कालिन्चोकमा हिमपात: सेताम्मे भयो कुरी बजार, पर्यटकको चहलपहल बढ्यो

समाचार

गृहपृष्ठ
समाचार
कालिन्चोकमा हिमपात: सेताम्मे भयो कुरी बजार, पर्यटकको चहलपहल बढ्यो

कालिन्चोकमा हिमपात: सेताम्मे भयो कुरी बजार, पर्यटकको चहलपहल बढ्यो

सोमबार, चैत २३, २०८२ कृष्ण बुढाथोकी

तस्बिर: उमेश रिमाल

दोलखा, २३ चैत २०८२ — प्रसिद्ध धार्मिक तथा पर्यटकीय गन्तव्य दोलखाको कालिन्चोक क्षेत्रमा भारी हिमपात भएको छ। हिमपातका कारण कालिन्चोकको आधार शिविर कुरी बजार यतिबेला हिउँले ढाकिएर पूर्ण रूपमा सेताम्मे देखिएको छ।

चैतको महिनामा भएको यो हिमपातले प्राकृतिक सौन्दर्य मात्र बढाएको छैन, हिउँ खेल्न चाहने पर्यटकहरूका लागि सुनौलो अवसर समेत सिर्जना गरिदिएको छ। तस्बिरमा देखिए झैं, रङ्गीचङ्गी घरहरू भएका कुरी बजार हिउँको सेतो पछ्यौरीमा बेरिँदा निकै मनमोहक देखिएको छ।

हिउँ परेको खबर फैलिएसँगै काठमाडौं उपत्यका र आसपासका क्षेत्रबाट पर्यटकहरू कालिन्चोक पुग्ने क्रम ह्वात्तै बढेको छ। हिउँ परेपछि कुरी बजारका होटलहरूमा 'बुकिङ' बढेकाले व्यवसायीहरू उत्साहित देखिएका छन्।

चरिकोट-कुरी सडकखण्डका केही ठाउँमा हिउँ जमेका कारण सवारी साधन चलाउँदा सावधानी अपनाउन स्थानीय प्रशासनले आग्रह गरेको छ। समुद्र सतहदेखि ३,८४२ मिटरको उचाइमा रहेको कालिन्चोक भगवतीको मन्दिर दर्शन गर्न र हिउँको आनन्द लिन आउनेहरूको घुइँचोले यो क्षेत्र यतिबेला उत्सवमय बनेको छ।

प्रकाशित मिति: सोमबार, चैत २३, २०८२ २२:११

प्रतिक्रिया दिनुहोस्